Haut stoung fir eis Coureuren den éischte Cyclocross vun der Saison um Programm. Um Depart waren de Kevin Geniets, de Mike Hoffmann an de Kevin Otten. De Yannick Rauch konnt wéinst enger Verletzung um Knéi net untrieden.

Fir eis 3 Débutants war et gläichzäiteg hiren éischte Cross iwwerhaapt, a si sinn alleguer ganz gutt op dem technesch schwierege Parcours eens ginn. De Kevin Geniets konnt dann och direkt bei sengem éischte Cross eng flott Victoire feieren. De Mike gëtt 17. an de Kevin Otten klasséiert sech als 21.