Fotoen

Méindes, 16 Januar 2012 08:34

D'Joer huet knapps ugefaang a scho sinn eis Sportler nees ferm am Asaatz. Nodeems eis Débutants d'lescht Woch bei de Cyclocross Meeschterschaften um Depart waren, goung et dëse Weekend och fir de Rescht vun der Equipe lass.

Si hunn eis e flotten, ofwiesslungsräichen an erfollegräiche Weekend gebueden an hu bei alle Manifestatiounen mat gudde Leeschtungen iwwerzecht.

E Samschdeg den Owend waren 20 vun eise Coureuren zu Rëmeleng bei der Rouleau-Soirée um Depart, wou eis Jongen a Meedercher e puer flott Matcher gewisen hunn, an um Enn eng Rei Victoiren a Podiumsplazen beleeë konnten. D'Resultater fann Der hei.

E Sonndeg stoung dann de Cross-Duathlon vum CA Bieles um Programm, wou 17 Schëfflenger Athleten een éischte Formtest konnte maachen. D'Resultater fann Der hei.

De ganze Weekend iwwer war de Kevin Geniets mam Sportlycée zu Adelboden bei de Laanglafmeeschterschaften am Asaatz. De Kevin konnt do souwuel am klassesche Stil, wéi och am Skating de Meeschtertitel gewannen.Déi komplett Resultater fann Der um Site vun der FLS.

Intressant fir eis Sponsoren dierft sinn, dass eis Coureuren och e puer Mol an der Tëlee ze gesi waren, an do eis Uniform mat de Logoen vun eis Sponsoren presentéiert hunn.

Bravo a weider esou

Den Trainerstaff

Hei e puer Andréck vun deene verschiddene Manifestatioune.

Leschten Update den Freides, 27 Januar 2012 17:36

D'Vëlosschoul um Äis

Freides, 13 Januar 2012 20:16

Well mer am Januar keng Méiglechkeet hunn, fir mat de Kanner an der Hal ze trainéieren, hu mer de ganze Mount iwwer aner Aktivitéiten um Programm. Lëschten Dënschdeg ware mer op de Kockelscheier op der Äispist, wou d'Kanner, d'Moniteuren an d'Elteren sech gutt ameséiert hunn.

Leschten Update den Méindes, 16 Januar 2012 19:52

Cyclo-Cross Championnat

Sonndes, 08 Januar 2012 14:04

Haut waren zu Kayl déi national Meeschterschaften am Cyclo-Cross.

Um 12.45 Auer ass mat eisen Débutants ugaang, wou mer gläich 4 Coureuren um Depart haten. No enger ganz intensiver Bullisschluecht vun eppes iwwer 30 Minutte gewënnt den Tom Wirtgen vun Dippech virum Ken Müller vun Alzéng. De Kevin Geniets konnt als 3. op de Podium fueren.

Och de Mike Hoffmann, de Maurice Schwarz an de Kevin Otten hu sech ganz gutt op dem schwierege Parcours geschloen, op deem duerch d'Wiederkonditioune bal méi gelaf wéi gefuer ginn ass.

Alles an allem war eng flott Cyclo-Cross Saison déi all eis jonk Coureuren mat ganz vill Engagement an an enger gudder Ambiance hannert sech bruecht hunn.

Leschten Update den Méindes, 16 Januar 2012 19:53

Cyclo-Cross Zéisseng

Sonndes, 27 November 2011 14:57

Gutt Resultater vun eise Coureuren um Zéissenger Cross. D'Nathalie Lamborelle konnt d'Course bei den Dammen fir sech entscheeden, während de Kevin Geniets alt nees eng gutt 2. Plaatz bei den Débutants konnt erreechen. Och de Mike Hoffmann, Maurice Schwarz an Kevin Otten waren um Depart a sinn eng gutt Course gefuer.

Leschten Update den Samsdës, 10 Dezember 2011 11:40

Iwwerraschungsbesuch vum Ben Gastauer an der Vëlosschoul

Dënschdes, 22 November 2011 19:59

De Mëtteg krute mer iwwerraschend Besuch an der Vëlosschoul. Den Ben war vun RTL gefrot ginn fir en Interview mat enger klenger Reportage derbäi ze maachen. Wou et drëm goung wou déi Reportage sollt stattfannen, huet de Ben spontan un d'Vëlosschoul geduecht, a koum mam Team vun RTL an den Hall Polyvalent op den Training, wou en dann och eng Ronn mat de Kanner gedréint huet.

D'Kanner an de ganze Staff vun der Vëlosschoul soen dem Ben Merci fir dës flott Iwwerraschung.

D'Opzeechnung gëtt en Dënschdeg, den 13.12. bei RTL gewisen.

Leschten Update den Freides, 23 Dezember 2011 20:41

Méi Artikelen...

<< Start < Zréck 1 2 3 4 5 6 7 Nächst Säit > Lescht Säit >>

Säit 1 vun 7

Hauptmenü

Newsflash

Sponsors

Login Form